സ്ഥാനാർത്ഥിയുടെ വീട്ടിൽ ചാരായം വാറ്റ്, തെരഞ്ഞെടുപ്പ് ആവശ്യത്തിനെന്ന് വിശദീകരണം

0
219

കൂത്താട്ടുകുളം നഗരസഭയിലേക്ക് മത്സരിക്കുന്ന സ്ഥാനാർത്ഥിയുടെ വീടിനുള്ളിൽ ചാരായം വാറ്റ്. ഭർത്താവിനെ എക്സൈസ് സംഘം അറസ്റ്റ് ചെയ്തു. ഇടയാർ പീടികപ്പടിയ്ക്ക് സമീപം കുഴുപ്പിള്ളിൽ കെ എ സ്കറിയ ആണ് അറസ്റ്റിലായത്. സ്കറിയയുടെ ഭാര്യ മേരി നഗരസഭയിലെ 24ആം ഡിവിഷനിൽ സ്വതന്ത്ര സ്ഥാനാർഥിയാണ്.

കോൺഗ്രസ് അംഗമായിരുന്ന മേരി പാർട്ടി സീറ്റ് നൽകാത്തതിനെ തുടർന്ന് സ്വാതന്ത്ര്യ സ്ഥാനാർത്ഥിയായി മത്സരിക്കുകയായിരുന്നു. കോൺഗ്രസിന് ഈ ഡിവിഷനിൽ വേറെ സ്ഥാനാർഥി ഉണ്ട്. പാർട്ടിക്കെതിരെ റിബലായി മത്സര രംഗത്ത് എത്തിയതോടെ മേരിയെ കോൺഗ്രസ്സിൽ നിന്ന് പുറത്താക്കിയിരുന്നു.

ഇടയാറിൽ വീടിനുള്ളിൽ വെച്ച് ചാരായം വാറ്റുന്നുണ്ടെന്നുള്ള രഹസ്യവിവരത്തിൻ്റെ അടിസ്ഥാനത്തിലായിരുന്നു അറസ്റ്റ്. ഭാര്യയുടെ തെരഞ്ഞെടുപ്പ് ആവശ്യത്തിനായാണ് ചാരായം ഉണ്ടാക്കിയതെന്ന് എക്സൈസ് സംഘത്തിന് സ്കറിയ മൊഴിനൽകിയിട്ടുണ്ട്.

LEAVE A REPLY

Please enter your comment!
Please enter your name here