Home All News വരാനിരിക്കുന്നത് ആഗോള ഭക്ഷ്യ അടിയന്തരാവസ്ഥ ഐക്യരാഷ്ട്രസഭ

വരാനിരിക്കുന്നത് ആഗോള ഭക്ഷ്യ അടിയന്തരാവസ്ഥ ഐക്യരാഷ്ട്രസഭ

0
141

ന്യൂയോര്‍ക്ക്; അടിയന്തര നടപടി സ്വീകരിച്ചില്ലെങ്കില്‍ വരാനിരിക്കുന്നത് ആഗോള ഭക്ഷ്യ അടിയന്തരാവസ്ഥയെന്ന് യു എന്‍ സെക്രട്ടറി ജനറല്‍ ആന്റോണിയോ ഗുട്ടെറസ്. അരക്ഷിതരായ വേണ്ടത്ര ഭക്ഷണമോ പോഷകാഹാരമോ ലഭിക്കാത്ത ജനങ്ങളുടെ എണ്ണം അതിവേഗം വര്‍ധിക്കും. ദശലക്ഷക്കണക്കിന് കുട്ടികള്‍ക്കും മുതിര്‍ന്നവര്‍ക്കും അത് ദീര്‍ഘകാല പ്രത്യാഘാതങ്ങള്‍ ഉണ്ടാക്കും- അദ്ദേഹം മുന്നറിയിപ്പ് നല്‍കി.

7.8 ബില്യണ്‍ ജനസംഖ്യയുള്ള ലോകത്ത് ആവശ്യത്തിലധികം ഭക്ഷണമുണ്ട്. പക്ഷേ ഇന്ന് 820 ദശലക്ഷത്തിലധികം ആളുകള്‍ക്ക് വിശക്കുന്നു. അഞ്ച് വയസ്സില്‍ താഴെയുള്ള 144 ദശലക്ഷം കുട്ടികള്‍ മുരടിക്കുന്നു. കൊവിഡ് വ്യാപന തീവ്രതയില്‍ കാര്യങ്ങള്‍ കൂടുതല്‍ വഷളാകുന്നു. ഭക്ഷ്യ സംവിധാനങ്ങള്‍ പരാജയപ്പെടുന്നു. ഭക്ഷ്യസുരക്ഷയിലും പോഷകത്തിലും കൊവിഡിന്റെ സ്വാധീനത്തെ കുറിച്ചുള്ള യു എന്‍ നയം അവതരിപ്പിക്കുന്നതിനിടെ വീഡിയോ സന്ദേശത്തിലാണ് യു എന്‍ മേധാവി ഇക്കാര്യങ്ങള്‍ വ്യക്തമാക്കിയത്.

കൊവിഡ് പ്രതിസന്ധി കാരണം ഈ വര്‍ഷം 49 ദശലക്ഷം ആളുകള്‍ ദാരിദ്ര്യത്തിലേക്ക് കൂപ്പുകുത്തും. ആഗോള മൊത്ത ആഭ്യന്തര ഉത്പാദനത്തിലുള്ള ഓരോ ശതമാനം കുറവും 0.7 ദശലക്ഷം മുരടിച്ച കുട്ടികളെയാണ് ചൂണ്ടിക്കാട്ടുന്നത്. ധാരാളം ഭക്ഷണമുള്ള രാജ്യങ്ങളില്‍ പോലും വിതരണ ശൃംഖലയില്‍ തടസ്സമുണ്ടാകാനുള്ള സാധ്യതയുണ്ട്. പകര്‍ച്ചവ്യാധി നിയന്ത്രണങ്ങളില്‍ ഞങ്ങള്‍ക്കുണ്ടായ മോശം പ്രത്യാഘാതങ്ങള്‍ക്ക് തടയിടാന്‍ ഇപ്പോള്‍ രംഗത്തിറങ്ങണമെന്നും അദ്ദേഹം അഭിപ്രായപ്പെട്ടു.

ഗുരുതര സാഹചര്യം നേരിടാന്‍ അപകടസാധ്യതയുള്ളയിടങ്ങളില്‍ കൂടുതല്‍ ശ്രദ്ധ കേന്ദ്രീകരിച്ച് ജീവിതവും ഉപജീവനും സംരക്ഷിക്കാന്‍ ഒറ്റക്കെട്ടായി അണിനിരക്കണമെന്നും ഗുട്ടെറസ് അന്താരാഷ്ട്ര സമൂഹത്തോട് അഭ്യര്‍ഥിച്ചു. ഭക്ഷ്യതൊഴിലാളികള്‍ക്ക് ഉചിതമായ സംരക്ഷണം ഉറപ്പാക്കുകയും ഭക്ഷ്യ പോഷകാഹാരസേവനങ്ങള്‍ അടിയന്തരമായി ലഭ്യമാക്കുകയും ചെയ്യണം. അതായത് ദുര്‍ബലവിഭാഗങ്ങള്‍ക്ക് പോഷകാഹാരം, അടിയന്തര ഭക്ഷണം, ഉപജീവനമാര്‍ഗം എന്നിവ ഉറപ്പ് വരുത്തുകയും സംരക്ഷിക്കുകയും വേണം. ഭക്ഷ്യ സംസ്‌കരണം, ഗതാഗതം, പ്രാദേശിക ഭക്ഷ്യ വിപണികള്‍ എന്നിവക്കുള്ള പിന്തുണ രാജ്യങ്ങള്‍ വര്‍ധിപ്പിക്കണം. വ്യാപാര ഇടനാഴികള്‍ തുറന്നിടണമെന്നും ഗുട്ടെറസ് വ്യക്തമാക്കി.

NO COMMENTS

LEAVE A REPLY

Please enter your comment!
Please enter your name here

Continue in browser
To install tap Add to Home Screen
Add to Home Screen
To install tap
and choose
Add to Home Screen
Continue in browser
To install tap
and choose
Add to Home Screen
Continue in browser
Continue in browser
To install tap
and choose
Add to Home Screen