പ്രതിഷേധങ്ങൾ ഫലം കാണുന്നു; ചാർട്ടേഡ് വിമാനങ്ങളിൽ എത്തുന്നവർക്കുള്ള കോവിഡ് പരിശോധനാ നിബന്ധന ഒഴിവാക്കാനൊരുങ്ങി കേരളാ സർക്കാർ

0
93

ചാര്‍ട്ടേഡ് വിമാനങ്ങളില്‍ വരുന്നവര്‍ക്ക് കോവിഡ് പരിശോധന നടത്തണമെന്ന സർക്കാർ നിർദേശത്തിനതിരെ വ്യാപക പ്രതിഷേധമാണ് പ്രവാസി സംഘടനകളിൽ നിന്നും പ്രതിപക്ഷത്ത് നിന്നും ഉയർന്നത്. എന്നാൽ പ്രതിഷേധം കനത്തതോടെ ഈ നിബന്ധന സർക്കാർ ഒഴിവാക്കുമെന്ന് റിപോർട്ടുകൾ. വിമാനയാത്രയ്ക്കു മുന്‍പ് ആന്റിബോഡി ടെസ്റ്റ് നടത്തിയാല്‍ മതിയെന്നാണ് പുതിയ തീരുമാനമെന്ന് റിപ്പോർട്ടിൽ പറയുന്നു. വിവിധ കോണുകളില്‍നിന്ന് ശക്തമായ വിമര്‍ശനം ഉയര്‍ന്ന സാഹചര്യത്തിലാണ് സര്‍ക്കാര്‍ ആദ്യ തീരുമാനത്തില്‍നിന്ന് പിന്നാക്കം പോകുന്നതെന്നാണ് വിവരങ്ങൾ.

വിദേശത്തുനിന്ന് ചാര്‍ട്ടേഡ് വിമാനങ്ങളില്‍ എത്തുന്ന പ്രവാസികള്‍ കോവിഡ്-19 ഇല്ലെന്ന് തെളിയിക്കുന്ന സര്‍ട്ടിഫിക്കറ്റ് കൈയില്‍ കരുതണമെന്ന് കഴിഞ്ഞ ദിവസമാണ് സര്‍ക്കാര്‍ വ്യവസ്ഥ വെച്ചത്. 48 മണിക്കൂറിനുള്ളില്‍ നടത്തിയ പരിശോധനാ റിപ്പോര്‍ട്ടാണ് കേരളം ആവശ്യപ്പെട്ടിരുന്നത്. എന്നാൽ ചില
ചാർട്ടേർഡ് വിമാനങ്ങൾ സജ്ജമാകുന്നത് മണിക്കൂറുകൾക്ക് മുമ്പാണ്. അതിനാൽ തന്നെ 48 മണിക്കൂറിനുള്ളില്‍ നടത്തിയ പരിശോധനാ റിപ്പോര്‍ട്ട് പ്രായോഗികമല്ലെന്നും പ്രവാസി സംഘടനകൾ പറഞ്ഞിരുന്നു. വന്ദേഭാരത് മിഷന്റെ ഭാഗമായി രാജ്യത്തെത്തുന്നവര്‍ക്ക് ഇത്തരം നിബന്ധനകള്‍ ഇല്ലെന്നിരിക്കെ ഈ നിബന്ധന കൊണ്ടുവരുന്നത് പ്രവാസികള്‍ക്കിടയില്‍നിന്ന് കടുത്ത പ്രതിഷേധത്തിന് ഇടയാക്കിയിരുന്നു. കൂടാതെ കോവിഡ് പരിശോധന നടത്തുന്നതിനായി ഈടാക്കുന്ന വലിയ തുകയും പ്രവാസികളോട് ചെയ്യുന്ന ക്രൂരതയാണെന്നും പ്രവാസി സംഘടനകൾ ചൂണ്ടിക്കാട്ടിയിരുന്നു.

RECENT POSTS

സംസ്ഥാനത്ത് ഇന്ന് പുതുതായി 2 ഹോട്ട്സ്പോട്ടുകൾ കൂടി; 13 പ്രദേശങ്ങളെ ഹോട്ട് സ്‌പോട്ടില്‍ നിന്നും ഒഴിവാക്കി

സംസ്ഥാനത്ത് ഇന്ന് 85 പേര്‍ക്ക് കോവിഡ് സ്ഥിരീകരിച്ചു

ഒരു മരണവും ആഘോഷിക്കപ്പെടേണ്ടതല്ല!!; മൃഗീയമായ ഒരു കൊലപാതകത്തിന്റെ സൂത്രധാരനെയാണ് വിശുദ്ധ പട്ടം നൽകി ആദരിച്ചിരിക്കുന്നത്; പികെ കുഞ്ഞനന്തന്റെ മരണത്തിൽ സിപിഎം നേതാക്കൾ നടത്തിയ പ്രതികരണത്തിനെതിരെ കെഎം ഷാജി


The Government of Kerala has decided to waive the Covid verification requirement for chartered flights

LEAVE A REPLY

Please enter your comment!
Please enter your name here