മാസ്‌ക് തന്ന് വായടപ്പിക്കാമെന്ന് ആരും വിചാരിക്കേണ്ട; ചൈനയുമായുള്ള ബന്ധത്തിന്റെ പേരിലായിരുന്നോ ആരോഗ്യമന്ത്രിയെ യുഎന്‍ ക്ഷണിച്ചത്; കെ.കെ ശൈലജയ്‌ക്കെതിരെ കെ.എം ഷാജി

0
194

യു.എൻ വെബ് സെമിനാറിൽ പങ്കെടുത്ത ആരോ​ഗ്യമന്ത്രി കെ.കെ ശൈലജ ടീച്ചർക്കെതിരെ മുസ്ലീം ലീ​ഗ് നേതാവ് കെ.എം ഷാജി രം​ഗത്ത്. ചൈനയുമായുള്ള ബന്ധത്തിന്റെ പേരിലാണോ ആരോ​ഗ്യമന്ത്രിയെ യു.എൻ സെമിനാറിന് ക്ഷണിച്ചതെന്നും നടന്നത് പി.ആർ വർക്കാണെന്നും കെ.എം ഷാജി ആരോപിച്ചു. സംസ്ഥാന സര്‍ക്കാര്‍ ചെയ്ത വിവരക്കേടുകള്‍ കൊണ്ടാണ് രോഗം കേരളത്തില്‍ ഇത്രയും അധികം വ്യാപ്പിക്കാനുള്ള കാരണം. യുഎന്നിന്റെ സെമിനാറില്‍ ആരോഗ്യമന്ത്രി പങ്കെടുത്തതില്‍ സന്തോഷമുണ്ട്. കൊറോണ പ്രതിരോധത്തില്‍ ഏറ്റവും മികച്ച മാതൃക കാണിച്ചത് ന്യൂസിലാന്‍ഡും സ്വീഡനുമാണ്. എന്നാല്‍ യുഎന്നിന്റെ വെബ് സെമിനാറില്‍ അവരാരും ഉണ്ടായിരുന്നില്ല. ജര്‍മ്മനിയുടേയും ആസ്‌ട്രേലിയയുടേയും പ്രതിനിധികളും ഉണ്ടായില്ല. ചൈനയുമായുള്ള ചങ്ങാത്തത്തിന്റെ പേരില്‍ യുഎസും യൂറോപ്യന്‍ യൂണിയനും ഡബ്ല്യൂഎച്ച്‌ഒയുമായുള്ള ബന്ധം വിച്ഛേദിച്ചിരിക്കുകയാണ്. അതുകൊണ്ടുതന്നെ അവിടെ നിന്നുള്ളവര്‍ക്ക് പരിപാടിയിലേക്ക് ക്ഷണമുണ്ടായില്ല. ചൈനയുമായുള്ള ബന്ധത്തിന്റെ പേരിലാണോ സംസ്ഥാന മന്ത്രിയെ സെമിനാറിലേക്ക് ക്ഷണിച്ചത്. അല്ലെങ്കില്‍ ഈ പറഞ്ഞ രാജ്യങ്ങള്‍ക്കെല്ലാം ക്ഷണം ഉണ്ടാകുമായിരുന്നില്ലേയെന്നും കെ.എം ഷാജി ചോദിച്ചു.

യൂത്ത് ലീ​ഗ് സത്യാ​ഗ്രഹസമര വേദിയിലാണ് കെ.എം ഷാജി ആരോ​ഗ്യമന്ത്രിക്കെതിരെ ആരോപണമുന്നയിച്ചത്. കോവിഡ് പ്രതിരോധത്തിൽ ഏറ്റവും മികച്ച മാതൃക ന്യൂസിലാൻഡും സ്വീഡനുമാണ്. യു.എൻ വെബ് സെമിനാറിൽ ഇവരുടെ പ്രതിനിധികൾ ഉണ്ടായിരുന്നില്ല. നടന്നത് പി.ആർ വർക്കാണെന്നും എന്നാലും ഞങ്ങൾ അഭിമാനിക്കുന്നെന്നും ഷാജി പറഞ്ഞു. മുമ്ബ് നിങ്ങള്‍ ഉമ്മന്‍ചാണ്ടിയെ കളിയാക്കിയത് പോലെ പരിഹസിക്കാനില്ല. കൊറോണ കാലത്ത് രാഷ്ട്രീയം പറയരുതെന്നാണ് മുഖ്യമന്ത്രി ഉത്തരവിറക്കിയിരിക്കുന്നത്. ഇനിയും ഷുക്കൂര്‍മാരുണ്ടാകുമെന്ന് ഡിവൈഎഫ്‌ഐക്കാര്‍ക്ക് പ്രസ്താവന നടത്താം. മാസ്‌ക് തന്ന് വായടപ്പിക്കാമെന്ന് ആരും വിചാരിക്കേണ്ടെന്നും കെ.എം. ഷാജി കൂട്ടിച്ചേര്‍ത്തു.

LEAVE A REPLY

Please enter your comment!
Please enter your name here