ദേശീയം(big14news.com): പോത്തിനെ മോഷ്ടിച്ച് കടത്താന്‍ ശ്രമിച്ച മോഷ്ടാക്കളുടെ കണ്ണുവെട്ടിച്ച് പോത്ത് നേരിട്ട് പൊലീസ് സ്റ്റേഷനില്‍ ഹാജരായി. ഒപ്പം മോഷ്ടാക്കളുടെ വസ്ത്രവും മൊബൈല്‍ ഫോണും പോത്ത് പൊലീസ് സ്റ്റേഷനില്‍ ഹാജരാക്കി. മധ്യപ്രദേശിലെ മോരേന ജില്ലയിലാണ് സംഭവം.
രാജസ്ഥാനിലെ ദോല്‍പ്പൂര്‍ ജില്ലയില്‍ നിന്ന് പോത്തിനെ മോഷ്ടിച്ച് മധ്യപ്രദേശിലെ കടത്താനായിരുന്നു മോഷ്ടാക്കളുടെ ശ്രമം. ഇതിനായി ചംബല്‍ നദി നീന്തിക്കടക്കുമ്പോള്‍ നനയാതിരിക്കാനായി തങ്ങളുടെ വസ്ത്രങ്ങളും മൊബൈല്‍ ഫോണുകളും പഴ്സും ഷൂവും മോഷ്ടാക്കള്‍ പോത്തിന്റെ കൊമ്പില്‍ കെട്ടി വെച്ചിരുന്നു.. എന്നാല്‍ നദി നീന്തിക്കടക്കുന്നതിനെ മോഷ്ടാക്കളുടെ കണ്ണുവെട്ടിച്ച് പോത്ത് പൊലീസ് സ്റ്റേഷനിലേക്ക് നീന്തിക്കയറുകയായിരുന്നു.
ഉടമസ്ഥനെ കണ്ടെത്തി പോത്തിനെ തിരിച്ചേല്‍പ്പിച്ചിട്ടുണ്ട്. പൊലീസുകാര്‍ മോഷ്ടാക്കള്‍ക്കായുള്ള അന്വേഷണമാരംഭിച്ചു.
